Dènye bilan LONU (Oganizasyon Nasyonzini) ki pibliye jodi madi 7 janvye 2025 la, rapòte zak vyolans gang yo nan peyi Datiyi lakoz plis pase 5,600 moun pèdi lavi yo pandan ane 2024 la.
Sa ki vin bay, an mwayèn, yon kenzèn moun ki mouri pa jou, selon Volker Türk ki se « Wo Komisè Nasyonzini pou Dwa Moun ».
Bilan sa a konfime vyolans gang yo pa t sipann vale teren nan peyi a paske konpare ak ane 2023 a, gen plis pase 1000 moun anplis ki pèdi lavi yo.
Nasyonzini raple nan bilan sa a, gen masak chèf gang Mikanò te fè sou Waf Jeremi, nan Site Solèy, nan kòmansman desanm nan, kote plis pase 200 moun te pèdi lavi yo.
Nasyonzini fè sonje se youn nan ensidan ki pi malouk ak pi kriyèl ki te pase sou bout tè Desalin lan, ane ki sot pase a.
Chif LONU yo rapòte tou, genyen 2,212 moun ki te blese epi 1,494 lòt ke yo te kidnape.
Volker Türk deklare : "Chif sa yo poukont yo paka montre jan sitiyason an terib an Ayiti, men yo montre vyolans san kanpe moun yo ap sibi".
Anplis de sa, Komisè Nasyonzini dwa moun nan souliye gen 2212 moun ki blese akoz vyolans yo an 2024. Asayan yo kidnape 1494 moun pandan ane a.
