Pou premye jou nan ane 2025 lan, gwoup nèg ak zam yo pat chome. Bandi ak gwo zam fan fwa, ki fè pati de gang kraze baryè a, te lanse yon atak nan katye Laboul, ki twouve l nan komin Petyonvil.
Sepandan plizyè inite espasyalize nan lapolis la, tankou SWAT, UTAG, ak BOID te depwaye nan Laboul epi dejwe atak gang Kraze Baryè a.
Fòs lòd yo pa konfime si gen arestasyon oubyen si gen moun ki mouri ou blese pandan entèvansyon yo nan Laboul.
N ap fè sonje, gang Kraze Baryè a gen nan tèt li Vitelhomme Innocent. Chèf gang lan ke otorite amerikèn yo ap chache, ta gen men l tranpe nan kidnapping 16 misyonè kretyen nan ane 2021.
Otorite amerikèn yo ofri yon prim 2 milyon dola vèt pou tout enfòmasyon ki ka fè yo mete lapat sou Vitelhomme Innocent.
