Nan yon nòt li pibliye sou rezo yo, PNH la fè konnen plizyè inite espesyalize nan enstitisyon an, tankou BOID, UDMO, UTAG, BRI, SWAT, mennen operasyon nan katye popilè Fò Nasyonal madi 5 ak mèkredi 6 novanm 2024 la.
Grasa operasyon gwo ponyèt sa yo, Fòs lòd yo rive chase gwoup nèg ak zam yo epi repran kontwòl Fò Nasyonal, mache Miragwàn ak riyèl Silvya, dapre sa sèvis kominikasyon PNH la fè konnen.
Sepandan, PNH la pa mansyone si gen bandi ki tonbe pandan entèvansyon sa yo oubyen si genyen ki jwenn arestasyon yo.
Yon lòt bò, lapolis pwofite pou l felisite popilasyon an pou kolaborasyon yo ak ajan yo.
N ap raple nan atak gang yo nan Fò Nasyonal, yo boule plizyè kay, blese plizyè sitwayen epi fòse plizyè lòt kouri kite kay yo.
