Nan yon rapò li pibliye 4 janvye 2025 lan, OIM deplore jan zak vyolans yo kontinye ap vale teren menm pandan sezon fèt la.
Selon ajans Nasyonzini an, vag vyolans yo nan Pòtoprens fòse, 10, 867 sitwayen nan Pòsmachan ak zòn ki anviwonnen l yo, kouri kite lakay yo.
Yon sitiyason ki "mete fanmi yo nan kous kouri pou siviv", selon sa OIM Rapòte.
Pi lwen, OIM eksplike 95% nan moun sa yo ki bay talon yo Pòsmachan oblije al vi nan kan.
Òganizasyon souliye kantite moun k ap viv nan kan yo ogmante pa pil e pa pakèt.
OIM fè konnen, gen 4 nouvo sit ki kreye pou te akeyi nouvo moun sa yo ki ap kouri akoz vyolans gwoup nèg ak zam yo.
N ap fè sonje pou ane 2024 la, vyolans gang yo fòse plis pase 700 mil moun kouri kite lakay yo. Gen plis pase 5000 lòt ki mouri akoz pwoblèm ensekirite a an Ayiti.
