Lafrans anonse nan Madi ke konseye franse "Stéphane Jullien" ki ap viv Nijè jwenn arestasyon l 8 septanm pase a pa fòs sekirite Nijeryen yo, e Paris mande "liberasyon li imedyatman".
Lajitis nan peyi Espay mande ansyen Prezidan Federasyon Foutbòl Panyòl la, Luis Rubiales pou li konparèt devan tribinal Vandredi nan kad ankèt yap menen kont li apre li te bo sou bouch san konsantman l, jwèz Jennifer Hermoso apre ekip la te ranpòte mondyal la.
Pòtpawòl Ministè Afè Etranjè fransè a te di madi ke rankont ki anonse ant lidè Kore di Nò Kim Jong Un ak Prezidan Ris la Vladimir Putin montre klèman izolasyon Larisi sou sèn entènasyonal la.
Prezidan Federasyon Foutbòl Panyòl la (RFEF), Luis Rubiales anonse demisyon li. FIFA te deja sispann misye apre li te bo jwèz Jennifer Hermoso sou bouch san konsantman li apre ekip panyòl la te ranpòte tit mondyal "Roja" la.
Sekouris yo te kontinye travay dimanch san rete pou esye jwenn sivivan anba dekonb yo nan plizyè vilaj nan Mawòk, apre gwo tranblemanntè sa ki te sakaje peyi a. Dapre dènye chif ki soti yo, gen omwen 2,100 moun ki pèdi lavi yo nan trajedi sila.
Lidè militè yo nan Gabon di Mèkredi 6 septanm, yo dakò pou ansyen prezidan Ali Bongo, pran libète pou li sikile epi ale pouswiv tretman medikal aletranje.
Pòtpawòl Ministè Defans Ameriken an Patrick Ryder mande rejim Pyongyang lan pou l "pa negosye ak Larisi" sou yon potansyèl livrezon zam.
Ansyen Prezidan Ameriken Donald Trump, ke la jistis nan Jòji te akize deske yo di li tap eseye ranvèse rezilta eleksyon prezidansyèl 2020 an nan eta a, te plede non koupab, dapre yon dokiman tribinal ki soti Jedi.
Otorite Sid Afriken yo di omwen 74 moun pèdi lavi yo nan Johannesburg nan mitan lannwit la apre dife ravaje yon bilding 5 etaj ke yo te sèvi pou abrite moun ki pa gen kay yo.
Omwens 48 sivil pèdi lavi yo nan vil Goma mèkredi nan yon operasyon militè pou anpeche yon manifestasyon kont fòs Nasyonzini yo nan Repiblik Demokratik Kongo.
Sòlda yo anonse mèkredi ke yo mete "fen nan rejim ki an plas la" nan Gabon. Anons sa fèt apre rezilta ofisyèl eleksyon prezidansyèl Samdi a te konfime viktwa Prezidan Ali Bongo, ki sou pouvwa a depi 14 zan.
Vyolans gang ame ki ap simen laterè ann Ayiti lakoz lanmò plis pase 2,400 moun pran depi kòmansman ane a, dapre yon rapò Nasyonzini.
Omwen 2 moun pèdi lavi yo apre Ris yo te lanse yon atak sou rejyon Poltava nan sant Ikrèn, dapre sa chèf prezidans Ikrenyen an, Andriï Yermak, anonse Lendi sou Telegram.
Yon konvwa apeprè 300 kamyon ki pote sitou manje soti Burkina Faso pou rive Niamey, pandan Nijè tonbe anba sanksyon plizyè peyi vwazen nan lwès Afrik la apre koudeta militè kont prezidan Bazoum nan.
Jeneral Abdourahamane Tiani ki nan tèt jent la nan Nijè, bay asirans ke peryòd tranzisyon an pa ka depase 3 zan pandan ke li lanse yon pinga bay peyi etranje kont tout entèvansyon militè ki vize peyi l.
Plizyè milye volontè rasanble nan Niamey pou reponn yon apèl plizyè òganizasyon te fè pou yo enskri non yo kòm oksilyè sivil ki kapab mobilize pou sipòte fòs lame yo. "
Avoka kap defann ansyen prezidan Donald Trump pwopoze Avril 2026 pou kòmanse pwosè ke lajistis federal ap mennen kont kliyan li a pou swadizan tantativ fwod li pou ranvèse rezilta eleksyon 2020 an, e sa ta mete pwosè a sila byen lwen apre eleksyon prezidansyèl Novanm 2024 yo.
Prezidan Chinwa Xi Jinping pral nan Afrik di sid semèn ki ap vini an pou yon vizit deta kote li pral patisipe nan somè BRICS la, dapre sa Minis Afè Etranjè Chinwa a anonse Vandredi 18 out 2023 a.
Gang ame kontinye atake sivil nan Kafou fèy. Dapre evalyasyon pwovizwa yon òganizasyon dwa moun fè, gen omwen 30 moun ki mouri, pami yo 2 polisye ak 4 moun ki disparèt.
Atakan Brezilyen Neymar siyen yon nouvo kontra ak ekip Al-Hilal nan Arabi Saoudit, sispèsta brezilyen an ki te jwe nan Paris St Germain, te ale ofisyèlman nan Lig Pwofesyonèl Arabi an (SPL) Madi 15 Out la.
Load more
