Bongo te an rezidans siveye depi lè gad prezidansyèl li te ba li yon koudeta 30 out pase, sa ki te mete fen nan rèy fanmi an ki te pase apreprè 56 ane sou pouvwa a.
Lidè koudeta a, Jeneral Brice Oligui Nguema, prete sèman lendi 4 Septanm kòm prezidan pwovizwa epi sipòtè yo te bat anpil bravo pou li apre yon seremoni ki te pase sou televizyon nasyonal peyi a.
Koudeta Gabon an – ki se wityèm koudeta nan Sant ak Lwès Afrik nan 3 zan – soulve gwo enkyetid pou sa ki sanble yon kontajyon kote militè ta pran kontwòl pouvwa nan tout rejyon an, e efase pwogrè demokratik ki te fèt nan de dizèn lane ki pase yo.
