Nan 2èm jounen pwosè sivil kont Donald Trump, ke lajistis New York ap jije ansanm ak 2 pitit gason li pou fwod nan biznis kay, apre yo te monte valè bitasyon ke Òganizasyon Trump la posede, li parèt ankò nan tribinal Manhattan nan kad pwosè a.
7 sòlda pèdi lavi yo Jedi 28 septanm nan lwès Nijè apre yon atak prezime jihadis te fèt.
Anbasadè franse a nan Nijè kite Niamey byen bonè nan maten Mèkredi 27 Septanm nan, se sa rejim militè ki sou pouvwa a te mande bò kote otorite nan Paris, e Lafrans te fini pa sede apre plizyè semèn hing hang ant 2 peyi yo.
Gouvènman fransè a pa pral ogmante taks sou tikè avyon nan bidjè li pou ane 2024 la, se sa Minis Ekonomi ak Finans Bruno Le Maire konfime pou AFP.
Lajistis nan LaRisi rejte madi apèl Alexeï Navalny te fè kont santans 19 ane prizon ki tonbe sou do li pou "zak ekstrèmis", santans ki vle di li pral pase 19 ane sa yo nan yon prizon koloni penal kote kondisyon lavi a malouk.
Desizyon Lafrans pou retire twoup li yo nan Nijè apre yon koudeta ki te fèt nan mwa Jiyè nan peyi Lwès Afrik la pa chanje pozisyon Etazini nan Nijè, se sa pòtpawòl Depatman Deta Matthew Miller di jounalis yo lendi 25 Septanm nan nan yon konferans pou laprès.
Otorite yo nan Taiwan fè konnen yo detekte plizyè douzèn avyon militè ak 10 bato de gè toupre kòt Taiwan nan 24 èdtan ki sot pase yo, se sa otorite yo nan zile a di Jedi.
Sekouris yo kontinye fouye anba dekonb pou jwenn sivivan nan vilaj Imi N'Tala, nan rejyon High Atlas, 5 jou apre yon tranblemanntè vyolan ki frape Maròk, e ki lakoz lanmò plis pase 2.900 moun.
PARIS (AP) — Yon ajans gouvènman franse a bay Apple lòd pou retire iPhone 12 sou mache franse a, poutèt dapre ajans la li bay nivo radyasyon elektwomayetik ki twò wo.
Lafrans anonse nan Madi ke konseye franse "Stéphane Jullien" ki ap viv Nijè jwenn arestasyon l 8 septanm pase a pa fòs sekirite Nijeryen yo, e Paris mande "liberasyon li imedyatman".
Lajitis nan peyi Espay mande ansyen Prezidan Federasyon Foutbòl Panyòl la, Luis Rubiales pou li konparèt devan tribinal Vandredi nan kad ankèt yap menen kont li apre li te bo sou bouch san konsantman l, jwèz Jennifer Hermoso apre ekip la te ranpòte mondyal la.
Pòtpawòl Ministè Afè Etranjè fransè a te di madi ke rankont ki anonse ant lidè Kore di Nò Kim Jong Un ak Prezidan Ris la Vladimir Putin montre klèman izolasyon Larisi sou sèn entènasyonal la.
Prezidan Federasyon Foutbòl Panyòl la (RFEF), Luis Rubiales anonse demisyon li. FIFA te deja sispann misye apre li te bo jwèz Jennifer Hermoso sou bouch san konsantman li apre ekip panyòl la te ranpòte tit mondyal "Roja" la.
Sekouris yo te kontinye travay dimanch san rete pou esye jwenn sivivan anba dekonb yo nan plizyè vilaj nan Mawòk, apre gwo tranblemanntè sa ki te sakaje peyi a. Dapre dènye chif ki soti yo, gen omwen 2,100 moun ki pèdi lavi yo nan trajedi sila.
Lidè militè yo nan Gabon di Mèkredi 6 septanm, yo dakò pou ansyen prezidan Ali Bongo, pran libète pou li sikile epi ale pouswiv tretman medikal aletranje.
Pòtpawòl Ministè Defans Ameriken an Patrick Ryder mande rejim Pyongyang lan pou l "pa negosye ak Larisi" sou yon potansyèl livrezon zam.
Ansyen Prezidan Ameriken Donald Trump, ke la jistis nan Jòji te akize deske yo di li tap eseye ranvèse rezilta eleksyon prezidansyèl 2020 an nan eta a, te plede non koupab, dapre yon dokiman tribinal ki soti Jedi.
Otorite Sid Afriken yo di omwen 74 moun pèdi lavi yo nan Johannesburg nan mitan lannwit la apre dife ravaje yon bilding 5 etaj ke yo te sèvi pou abrite moun ki pa gen kay yo.
Omwens 48 sivil pèdi lavi yo nan vil Goma mèkredi nan yon operasyon militè pou anpeche yon manifestasyon kont fòs Nasyonzini yo nan Repiblik Demokratik Kongo.
Sòlda yo anonse mèkredi ke yo mete "fen nan rejim ki an plas la" nan Gabon. Anons sa fèt apre rezilta ofisyèl eleksyon prezidansyèl Samdi a te konfime viktwa Prezidan Ali Bongo, ki sou pouvwa a depi 14 zan.
Load more
