4 jounalis te jwenn arestasyon yo pandan latwoublay ki te genyen nan peyi a aprè eleksyon prezidansyèl 28 jiyè a nan Venezyela yo. Lajistis akize jounalis yo de "teworis".
Otorite irakyen yo te arete 5 sispèk apre atak ki te fèt sou baz militè kote 7 Ameriken ki te nan baz la blese.
Reprezantan kowalisyon opozisyon Venezyela rive nan Kou Siprèm lan apre yo te konteste rezilta eleksyon prezidansyèl 28 jiyè a.
Defans Sivil nan Gaza ke Hamas kontwole, rapòte omwen 18 moun pèdi lavi yo apre atak Izrayelyen yo te fè sou 2 lekòl nan vil Gaza.
Mèkredi, otorite yo nan Ikrèn bay lòd pou pou anviwon 6,000 moun nan zòn fwontyè toupre rejyon Kurs la kite rejyon sa yo, gouvènè teritwa Ikrenyen an te anonse madi.
Kandida opozisyon Venezyelyen an, Edmundo Gonzalez Urrutia, ki fè kwè se limenm ki genyen eleksyon prezidansyèl la, te di Mèkredi ke li refize patisipe nan konvokasyon Lakou Siprèm nan.
Fòs lame yo nan Venezyela rejte madi apèl ke opozisyon an lanse pou mande yo anbandone Maduro.
Dènye moun ki te disparèt nan peyi Izrayèl apre atak ke mouvman islamis palestinyen Hamas te òganize 7 Oktòb pase kote anpil san te koule, gen konfimasyon ke li mouri apre yon "ankèt ki fouye tout zo nan kalalou", se sa lame Izraèl la anonse madi.
Prezidan peyi Brezil, Luiz Inacio Lula da Silva, mande lendi 5 Dawout la yon dyalòg ant gouvènman venezyelyen an ak opozisyon an nan yon efò pou rezoud tansyon ki genyen nan peyi a apre viktwa Nicolas Maduro nan eleksyon an ke opozisyon an konteste.
Opozisyon an nan Venezyela mande "militè ak polisye" pou yo mete yo bò"kote pèp la" apre opozan yo te konstete re-eleksyon Prezidan Nicolas Maduro, ke Konsèy Elektoral Nasyonal la (CNE) te pwoklame venkè nan eleksyon prezidansyèl la.
Prezidan Konsèy Elektoral Nasyonal (CNE) la Elvis Amoroso anonse pandan yon seyans piblik ke li remèt tout pwosè vèbal eleksyon prezidansyèl yo bay Tribinal Siprèm Jistis (TSJ) lan, apre Prezidan Nicolas Maduro te mande Tribinal la pou pran yon desizyon apre opozisyon an te konteste viktwa li.
Inyon Ewopeyen an mete plis presyon entènasyonal sou Prezidan Venezyelyen Nicolas Maduro pou di ke yo "pa gen ase prèv" pou yo rekonèt viktwa prezidan an nan eleksyon prezidansyèl 28 Jiyè a." Pap Franswa bò kote pa li mande pou "cheche konn laverite" nan dosye sila.
Komisyon Ewopeyen an anonse lendi 5 Dawout la ke platfòm rezo sosyal TikTok pran angajman pou l retire nèt ale nan Inyon Ewopeyen an fonksyon nouvo aplikasyon TikTok Lite li a ki rekonpanse itilizatè yo pou kantite tan yo pase devan ekran yo ap sèvi ak aplikasyon an.
Gouvènman Irigwe a rekonèt vandredi viktwa kandida opozisyon an nan Venezyela, Edmundo Gonzalez Urrutia, nan eleksyon prezidansyèl dimanch la kote konsèy Elektoral Nasyonal la pibliye rezilta ki bay Prezidan Nicolas Maduro kòm venkè.
Gouvènman Ajanten an rekonèt opozan Edmundo Gonzalez Urrutia kòm prezidan eli Venezyela vandredi, dapre sa Minis Zafè Etranje Diana Mondino anonse sou rezo sosyal X.
Prezidan Ameriken Joe Biden remèsye tokay li nan peyi Tiki, Recep Tayyip Erdogan, Jedi, apre gwo boukantay prizonye ke Larisi ak plizyè peyi nan loksidan te fè nan Ankara, capital peyi Tiki.
Hezbollah te anonse ke li te lanse plizyè douzèn wòkèt nan nò Izrayèl Jedi, an repons a yon atak ki te touye kat siryen nan sid Liban, premye atak gwoup Libanè a depi asasina youn nan lidè militè li yo madi aswè.
Lidè opozisyon nan Venezyela Maria Corina Machado, ki te al kache akoz menas prizon kont li, lanse mo dòd Jedi pou gen yon manifestasyon samdi nan "tout vil yo" nan peyi a pou denonse magouy ki daprè li pèmèt reeleksyon Prezidan Nicolas Maduro.
Etazini te travay pou Larisi te ka lage lidè opozisyon Alexeï Navalny anvan li te mouri nan prizon, se sa Mezon Blanch di Jedi nan kòmantè sou boukantay "istorik" 24 prizonye ak 2 minè ant Moskou ak peyi loksidan yo.
Load more
