Konpayi McDonald's ki gen yon seri restoran kote moun ka achte manje rapid rapid toupatou nan mond lan, deside achte seri restoran li genyen nan peyi Izrayèl nan men yon franchiz ki posede restoran yo depi lontan akoz pakèt lajan li pèdi apre moun te deside boykote restoan an.
McDonald's, ki gen katye jeneral li nan vil Chicago e ki gen renome pou sandwich hambègè li sèvi yo, deklare Vandredi li pral achte Alonyal Limited ki posede epi opere apepre 225 restoran an Izrayèl.
Li pa bay detay finansye sou antant la.
McDonald's di li pral opere restoran yo limenm, epi kenbe plis pase 5,000 anplwaye kap travay pou li.
Alyonal ap opere McDonald's an Izrayèl depi plis pase 30 an.
Sepandan franchiz la te soulve gwo pale anpil apre li te anonse nan mwad Oktob 2023 ke li tapral bay solda Izrayelyen yo manje gratis.
Sa te lakoz moun toupatou nan Mwayèn Oryan an ak peyi ki gen majorite Mizilman tankou Endonezi te boykote restoran an konplètman.