Mwayen Oryan
- Serge Michel
Chèf lame Izrayèl la Di Atak ki Touye 7 Travayè Imanitè Se Yon Erè Grav
Lame izraelyen kalifye frap ki touye 7 travayè sekou nan Gaza a kòm yon erè grav.
Chef lame Israyèl Jeneral Herzi Halevi di atak la, ki touye kèk manm gwoup sekou Kwizin Santral Mondyal (WCK) se “yon erè grav”, paske li di lame a te “mal idantifye sa li t ap vize a nan lannwit, nan yon gè, nan kondisyon ki byen konplike.”
“WCK se yon òganizasyon ki ap travayè toupatou nan mond la, antwòt nan Izrayèl, ki ap bat pou yo fè bon travay,” se sa Halevi di nan yon deklarasyon sou video. “Fòs Defans Izrayèl travay nan tèt-kole ak Kwizin Santral Mondyal e li apresye anpil travay enpòtan yo a.”
Fondatè Kwizin Santral Mondyal, José Andrés, di nan yon deklarasyon ke li pibliye jodi mèkredi a nan jounal New York Times ke Izrayèl te lanse “yon atak dirèk sou machin ki te gen sou yo byen klè logo WCK, e ke Fòs Defans Izrayèl te byen konnen tout deplasman yo.
Andrés di atak la se rezilta yon « politik ki repouse èd imanitè pou fè travayè sekou yo dezespere, » an palan konplent òganizasyon imanitè yo sou difikilte pou yo pote èd bay Palestinyen yo ki dezespere nan Gaza.
See all News Updates of the Day
- Jacquelin Belizaire
Sòlda Izrayelyen Tire Nan Tèt Yon Sitwayen Ameriken Ki Tap Manifeste nan Sisjòdani
Yon sitwayen ameriken ki t ap patisipe nan yon manifestasyon kont ekspansyon koloni yo nan Sisjòdani te jwenn lanmò li apre li pat rive siviv de blesi li yo vandredi apre twoup Izraelyen yo te tire l nan tèt, dapre sa ajans ofisyèl palestinyen WAFA rapòte.
Blinken Mande Izrayèl la ak Hamas pou yo Aksepte Akò Seselfe a
Chèf diplomasi Ameriken an Antony Blinken te mande Jedi Izrayèl ak gwoup Palestinyen an Hamas pou yo finalize akò seselfe a nan Gaza, sa ki konfime evalyasyon Ameriken yo dapre sa ki rapòte ke akò a te pare.
Blinken te di nan yon konferans pou laprès ki pandan pasaj li Ayiti: “Se vrèman 2 pati yo ki pou rive jwenn yon akò sou pwoblèm ki rete yo.
"Si nou rive jwenn yon akò kanpe goumen nan Gaza, nou pral kapab avanse sou chemen nòmalizasyon" ant Izrayèl ak Arabi Saoudit, li te mansyone tou, e sa ta finalize avan fen manda Prezidan Joe Biden nan mwa janvye 2025.
Sòlda Izrayelyen yo Tire Nan Tèt Yon Sitwayen Ameriken Ki Tap Manifeste nan Sisjòdani
Yon sitwayen ameriken ki t ap patisipe nan yon manifestasyon kont ekspansyon koloni yo nan Sisjòdani te jwenn lanmò li apre li pat rive siviv de blesi li yo vandredi apre twoup Izraelyen yo te tire l nan tèt, dapre sa ajans ofisyèl palestinyen WAFA rapòte.
Lame Izrayelyen an te di ke li t ap chèche envestige sa ki nan rapò a. Anbasad ameriken an pa fè okenn reyaksyon imedya sou ensidan an.
Viktim nan te gen 2 nasyonyolalite: a savwa Tik ak Ameriken.
Depatman Deta Ameriken an ak Minis Afè Etranjè peyi Latiki konfime lanmò Aysenur Ezgi Eygi. Ministè Tik la te di sòlda Izrayelyen yo te touye l e li te dekri ensidan an kòm yon "zak asasina ke gouvènman Netanyahu te fè".
Pòtpawòl Depatman Deta Ameriken Matthew Miller te deklare "Nou o kouran lanmò trajik yon sitwayen Ameriken, Aysenur Eygi, jodi a nan Sisjòdani. Nou ofri kondoleyans pwofon nou bay fanmi li ak moun li renmen yo".
"Nou ap rasanble plis enfòmasyon ijan pou nou konnen sikonstans lanmò li, epi n ap gen plis pou nou di pandan n ap aprann plis. Priyorite nou se sekirite sitwayen Ameriken yo".
Fouad Nafaa, chèf Lopital Rafidia nan Naplouse, te di Reuters ke fanm nan te rive nan lopital la nan yon kondisyon trè kritik, ak yon blese nan tèt grav.
"Nou te eseye fè yon operasyon reanimasyon sou li, men malerezman li te mouri" .
Netanyahu Mande pou Izrayèl Kontwole Fwontyè Gaza ak Ejip la
JERUSALEM (AP) — Premye Minis Izrayelyen Benjamin Netanyahu di Izrayèl dwe kenbe kontwòl fwontyè Gaza a ak peyi Ejip la, e li kanpe sou pozisyon sa ki menase pou deraye efò pou rive jwenn yon seselfe ant 2 fòs ki ap batay yo.
Netanyahu pale konsa nan moman Etazini ap devlope yon nouvo pwopozisyon pou 2 pati yo jwenn yon akò ki ap pèmèt otaj yo jwenn liberasyon yo, ak espwa pou mete fen nan lagè a ki prèske rive sou 11 mwa.
Kesyon pou Izrayelyen yo kenbe kontwòl koridò Philadelphi a -- yon teren jennen sou fwontyè Gaza ak peyi Lejip la, ke twoup yo te sezi nan mwa Me a -- te vin tounen yon baryè santral nan chita pale yo.
Hamas reklame pou Izrayèl wete twoup li nèt nan Gaza. Netanyahu di toutotan pa gen yon lòt moun pou kontwole fwontyè a, "nou la."
Etazini Akize Lidè Hamas la, Lòt Militan an Koneksyon ak Masak 7 Oktòb la
Depatman Jistis Etazini anonse akizasyon kriminèl kont lidè Hamas la, Yahya Sinwar ak lòt militan an koneksyon ak atak 7 Oktòb kont Izrayèl la.
Akizasyon kriminèl ke lajistis depoze devan tribinal federal Nouyòk la gen ladann konplo pou founi sipò materyèl bay yon òganizasyon teworis etranje, ki te lakoz moun te mouri.
Minis Jistis Merrick Garland deklare nan yon videyo Madi ke akizasyon yo se "yon pati nan jefò nou lanse pou sible tout aspè operasyon Hamas yo."
Misye di "aksyon sa yo se pa dènye mezi nap pran."
Facebook Forum