Avoka Guy Philippe Mèt Louscher Jean Joseph rejte kritè CARICOM souliyen nan akò li pibliye Lendi sou kreyasyon Konsèy Tranzisyon Prezidansyèl la ki ekskli patisipasyon ex-Senate Guy Philippe.
"Yo pa di si se an Ayiti oubyen a l etranje. Pa bliye ke kòd penal nou se kòd penal Ayisyen. Setadi ke tout dispozisyon ki genyen nan kòd penal lan se pou Ayiti...Eske te gen yon otorite jidisyè ki te enklanche yon kelkonk pwosedu kont senatè Guy Philippe? Non!"
Kritèr akò a di yon moun ke lajistisi akize, enkilpe, oubyen kondane pou krim ekskli nan konsèy la.
Jounalis yo te mande Depatman d Eta si Etazini ta rekonèt Guy Philippe kom prezidan Ayiti si l te eli nan yon eleksyon lib e onèt.
Reponsab la te reponn li kwè se pa Etazini sèlman men anpil peyi nan kominote entènasyonal la ki ta konsidere yon moun lajistis kondane pou plizyè krim yon bagay ki trè preokipan, "E sa ta ba nou gwo kè sote" li te ajoute.