Frans-Jistis : Yon pwosè vyòl ki soulve gwo pale anpil nan lemond debouche sou yon santans 20 an prizon pou akize a Dominique Pélicot. Sandra Lemaire gen detay.
Fiziyad nan yon lekòl nan Madison, Ozetazini lakoz lanmò 2 moun epi plizyè lòt blese, sispè a se yon elèv 15 lane, lapolis te anonse lendi aswè a, yon lòt trajedi ankò nan peyi sa a ki regilyèman an dèy akoz asasina nan lekòl la.
Moun toupatou nan mond lan orifye pa nouvèl ki fè konnen plis pase 180 moun -granmoun pou pifo - mouri anba bal yon chèf gang nan Waf Jeremie, ki tap tire revanj pou lanmò pitit li.
Yon gwo ofisyèl Mezon Blanch di ke omwen 8 konpayi telekominikasyon ameriken ak plizyè douzèn nasyon te afekte pa yon kanpay pirataj Chinwa.
Reprezantan UNICEF an Ayiti, Geeta Narayan di VOA Fon Nasyonzuni pou Timoun nan ap travay de pre ak gouvènman Ayisyen an pou pwoteje timoun ki viktim zak vyolans gang yo. UNICEF estime jiska mwatye manm gang ame yo se timoun ki gen mwenske 18 an.
Palman Kore di Sid la vote pou defye prezidan peyi a epi leve san pedi tan, deklarasyon lwa masyal li a. Prezidan Yoon Suk Yeol deklare lwa masyal nan peyi a Madi swa (le lokal) epi semante pou l elimine fos "anti gouvenmantal yo" ke li akize deske yo senpatize ak kominis No Koreyen yo.
Prezidan Joe Biden padone pitit gason li, Hunter. Padon prezidansyèl la pèmèt Hunter Biden evite yon posib santans prizon pou krim federal posesyon yon zam, epi kondanasyon pa rapo ak enpo li pat peye.
Otorite Britanik ak Ameriken ap envestige poukisa plizyè dron tap sivole 4 baz militè Etazini nan peyi Angletè pandan jou ki pase yo. Sandra Lemaire gen detay.
2 Kodenn pap ateri nan asyet moun ane sa a. Yo ka remesye Prezidan Biden pou sa. Sandra Lemaire gen detay.
Zam sispann tire ant Izrayel ak Hezbollah a byen bone Mekredi maten, gras ak seselfe 2 pati yo siyen. Se Etazini ki prezante plan seselfe sa a ke yo aksepte a. Nan moman Libane yo gen gwo ke kontan, gen kek moun ki gen dout sa pral dire.
Prezidan-eli Donald Trump siprann tout moun ak chwa li pou dirije Pantagon nan. Pete Hegseth se yon veteran Gad Nasyonal Etazini ki sevi nan lage Irak, Afghanistan ak nan Guantanamo.
Moun te ka wè eksplozyon nan banlye ki sitye nan rejyon sid Beirout Lendi nan moman Izrayèl kontinye atake vil la.
Prezidan-eli Donald Trump chwazi Pam Bondi, ansyen minis jistis Florid pou pòs minis jistis Etazini. Li anonse desizyon an kèk hè sèlman apre premye chwa li pou pòs sa a, Matt Gaetz te wetire nominasyon li.
Matt Gaetz wetire kandidati li kòm chwa Prezidan-eli Donald Trump pou pòs minis jistis Etazini nan moman anpil je brake sou li pa rapò ak yon envestigasyon federal sou trafik seks.
Etazini pral pèmèt Ikrèn sèvi ak min anti-pèsonèl Ameriken kont twoup Ris yo, dapre sa Sekretè Defans Ameriken Lloyd Austin fè konnen. Misye di sa pral ede Ikrèn ralanti pwogrè Larisi ap fè sou chan d batay la.
Lidè peyi manm Kowoperasyon Ekonomik Azi Pasifik yo patisipe nan somè anyèl òganizasyon an nan vil Lima o Pewou pou diskite pwoblèm rejyon an
Pandan yon odisyon nan Chanm Depite Etazini Mekredi maten, manm komisyon kap travay sou Sibèsekirite, Teknoloji Enfomatik ak Inovasyon Gouvènman an mande plis transparans sou Fenomen Anormal Non-Idantifye -ke pi fò moun konnen kòm OVNI.
Load more
