Prezidan-eli Donald Trump pral pibliye yon seri dekrè ki vize refè politik imigrasyon Etazini premye jounen li sou pouvwa a. Dapre nouvèl yo li pral mete fen ak aksè migran yo genyen pou mande azil, voye twoup sou fwontyè sid Etazini epi mete fen nan sitwayènte Ameriken pou tibebe migran ilegal ki pran nesans Ozetazini.
Se sa yon responsab administrasyon Trump la fè konnen.
Li poko klè kijan Trump pral mete kèk pami dekrè sa yo ann aplikasyon - pami yo sitwayènte otomatik pou nempot ki moun ki pran nesans Ozetazini. Gen lot ke yo atann yo aske yo defye yo nan tribinal tou suit.
Responsab la pale sou kondisyon pou yo pa site non li pou l te ka bay yon apèsi de dekrè ki pral pibliye Lendi.
Kominote imigran yo ap fè preparasyon pou kanpay sere-boulon Trump pwomèt depi komansman kanpay li pou l mennen.
Pandan yon miting politik Dimanch, lavèy envestiti li Trump te repete entansyon li pou l chanje lwa imigrasyon yo.
