Prezidan-eli Donald Trump deklare li gen entansyon pibliye yon dekrè Lendi ki ta bay konpayi Chinwaz ki jere TikTok la plis tan pou jwenn yon moun yo apwouve pou achte applikasyon popilè a, kap fè fas ak yon entèdiksyon pèmanan Ozetazini.
Trump anonse desizyon an nan yon mesaj li pibliye sou rezo sosyal li, Truth Social Dimanch, nan moman plizyè milyon itilizatè leve pou dekouri yo pa gen aksè ak ni app la ni rezo a.
Google ak Apple wetire app la sou magazen nimerik yo ann ako ak yon lwa federal ki egzije yo fè sa si TikTok pa vann oeprasyon li Ozetazini anvan 19 Janvye.
Trump di dekrè li a pral "pwolonje peryod tan pou lwa a antre ann aplikasyon."
