TikTok di "li tanmen pwosesis" pou retabli sèvis pou itilizatè yo Ozetazini apre aplikasyon popilè a te kanpe operasyon akoz yon nouvo lwa Etazini adopte, ki antre an aplikasyon 19 Janvye.
Konpayi ki jere TikTok la di nan yon mesaj li pibliye sou rezo X Dimanch ke konpayi teknoloji yo te riske oblije peye lajan kom pinisyon si yo pat wetire app TikTok la sou magazen nimerik yo. Gen lot konpayi teknoloji ki ofri pou ede.
TikTok remèsye Prezidan-eli Donald Trump ki mete yon mesaj sou rezo sosyal li Truth Social Dimanch pou di li gen entansyon siyen yon dekrè Lendi apre envestiti li ki va bay konpayi Chinwaz ki mèt TikTok la plis tan pou jwenn yon antant ki va anpeche entèdiksyon Ameriken an vinn pèmanan.
