Trump: 'Laj Lò Etazini ap Tanmen Kounyela a
- By AP
Nan diskou envestiti li, Prezidan Donald Trump deklare "laj lò peyi Etazini ap tanmen kounyela a.
Li ajoute: " apati jodia, peyi nou ap fleri e yap respekte nou ankò toupatou nan mond lan."
Yon lòt kote, Trump kritike gouvenman federal la, pandan ansyen prezidan Biden te kanpe tou pre li. Trump di gouvènman an "paka jere yon senp kriz lakay li."
Li site kòm egzanp dife ki pran nan Kalifòni ak inodasyon ki frape Kawolin di Nò. Sepandan li fe kek deklarasyon ki pa korèk pa rapo ak sityasyon sa yo.
Li souliyen tou yon "katalòg katastwòf etranje" ak migrasyon ilegal.
Trump di se Bondye ki sote li le yo te eseye asasinen l. Li di se paske Gran Mèt la vle "Fè Ameriken Gran Ankò".
Deklarasyon sa a te soulve anpil bravo bo kote Repibliken yo. Pandansetan Demokrat yo, pami yo Joe Biden ak Kamala Harris te chita an silans.
Envestiti a ap dewoule menm jou Etazini ap komemore fèt Reveran Martin Luther King Jr.
Trump di le fèt ke envestiti li ap dewoule menm jou a vle di ke administrasyon li an pral travay pi di pou fè rèv King tounen reyalite.
"Nou pral reyalize rèv li" Trump sèmante.
Trump di li Pral Deklare yon Ijans sou Fwontyè Sid Etazini
- By VOA Kreyòl
Prezidan Donald Trump, ki fek prete sèman kòm 47èm prezidan peyi Etazini deklare pandan diskou envestiti li ke li pral deklare yon sityasyon ijans sou fwontye sid Etazini pataje ak Meksik la.
Li fè konnen tou ke li gen entansyon reprann politik "Rete Meksik" la pou migran kap chache antre Ozetazini.
Donald Trump Prete Sèman kom 47èm Prezidan Etazini
- By VOA Kreyòl
Donald Trump prete sèman kom 47èm prezidan peyi Etazini.
JD Vance Prete Sèman Kom Vis Prezidan Etazini
JD Vance sot prete sèman pou l tounen ofisyèlman Vis Prezidan peyi Etazini.