2 lot aits K-Pòp popilè gwoup BTS la rive nan kan militè lame Kore di Sid la nan Yeoncheon 12 Desanm pou rejwenn 5 lòt manm gwoup la ki deja tanmen sèvis militè pa yo.
Plizyè machin jounalis yo sispèk tap transpòte chantè Jimin ak Jung Kook te antre nan kan an, kote te gen banyè ak pannkat fanatik yo kole sou miray yo ak mesaj sipò pou ti mesye yo.
Yon otobis ki te paking tou pre a te vlope ak yon foto Jimin ansanm ak yon mesaj ankourajman pou misye.
Lidè gwoup la, ki gen 7 manm, an palan de RM ak chantè V te tanmen sèvis militè pa yo 11 Desanm.
Fanatik BTS Jade Kelly, ki se moun Afrik di Sid te pami fanatik ki te rasanble nan yon kafe nan vil Seoul kote pwopriyete a se yon fanatik fawouch gwoup K-Pop la.
"Byen su nou tris anpil ke yap tanmen sevis milite yo. Se pa sa nou vle we pandan 2 zan kap vini yo men sete chwa yo donk tout sa nou ka fe se apiye yo. Epi an 2025 yo va tounen - an fen e tout sa mwen ka espere se ke yo va òganize yon konse epi vinn Afrik di Sid. Antretan map gade kontni yo pibliye. Jodia nan Seoul nan Kore - mwen pat kwe sa tapral rive m. Donk wi mwen voye anpil lanmou ak sipò bay mesye yo."
Fanatik Koreyen Kim Yong-Sun ki se pwopriyete kafe a tap kriye.
"Mwen pat ka pale e mwen te santi m tris anpil maten an. Donk mwen te konsidere femen kafe mwen - men apre mwen te we mesaj manm BTS yo pibliye mwen te deside louvri kafe a jodia ak yon deteminasyon renouvle. Fòk mwen tann ak dilijans e fòk mwen travay pi di. Nan moman mwen te louvri kafe a jodia anpil ARMY (fanatik BTS) te vinn vizite m e yo te pale anpil de BTS. Nou koute mizik yo ansanm e sa ba nou kouraj."
Jin, ki se manm gwoup la ki pi aje te antre nan lame a nan mwad Desanm ane pase a. Apre sa, J-Hope te rejwenn ni nan mwad Avril la epi Suga nan mwad Out la.
Se yon egzijans pou tout gason Sid Koreyen ki an bòn eta fizik e ki gen ant 18 ak 28 an -- fè ant 18 ak 24 mwa sèvis militè. Sa fè pati jefò peyi a lanse pou pwoteje tèt li kont Kore di Nò ki ame ak zam nikleyè.
