AFP

Venezyela: Lame a Rejte apèl opozisyon ki Mande yo Abandone Maduro, Lame a di Apèl Opozisyon an "Dezespere "

Fòs lame yo nan Venezyela rejte madi apèl ke opozisyon an lanse pou mande yo anbandone Maduro.

Izrayèl Konfime ke Dènye Moun ki te Disparèt Apre Atak 7 Oktòb la Mouri

Dènye moun ki te disparèt nan peyi Izrayèl apre atak ke mouvman islamis palestinyen Hamas te òganize 7 Oktòb pase kote anpil san te koule, gen konfimasyon ke li mouri apre yon "ankèt ki fouye tout zo nan kalalou", se sa lame Izraèl la anonse madi.

Venezyela: Lula Mande Dyalòg pou Rezoud Pwoblèm Eleksyon an nan Venezyela

Prezidan peyi Brezil, Luiz Inacio Lula da Silva, mande lendi 5 Dawout la yon dyalòg ant gouvènman venezyelyen an ak opozisyon an nan yon efò pou rezoud tansyon ki genyen nan peyi a apre viktwa Nicolas Maduro nan eleksyon an ke opozisyon an konteste.

Venezyela: Opozisyon an Mande Lame a pou Vin Bò Kote "Pèp la"

Opozisyon an nan Venezyela mande "militè ak polisye" pou yo mete yo bò"kote pèp la" apre opozan yo te konstete re-eleksyon Prezidan Nicolas Maduro, ke Konsèy Elektoral Nasyonal la (CNE) te pwoklame venkè nan eleksyon prezidansyèl la.

Venezyela: Otorite Elektoral la di li Remèt Tout Pwosè Vèbal Eleksyon Prezidansyèl yo Bay Kou Siprèm nan

Prezidan Konsèy Elektoral Nasyonal (CNE) la Elvis Amoroso anonse pandan yon seyans piblik ke li remèt tout pwosè vèbal eleksyon prezidansyèl yo bay Tribinal Siprèm Jistis (TSJ) lan, apre Prezidan Nicolas Maduro te mande Tribinal la pou pran yon desizyon apre opozisyon an te konteste viktwa li.

Mwayen Oryan: Macron ak lidè Emira Arab Ini ak Arabi Saoudit Mande pou Pati yo nan Mwayenn Oryan an "Mete Dlo nan Diven yo"

Venezyela: Inyon Ewopeyen an pa rekonèt viktwa Maduro a, Pap la mande "verite "

Inyon Ewopeyen an mete plis presyon entènasyonal sou Prezidan Venezyelyen Nicolas Maduro pou di ke yo "pa gen ase prèv" pou yo rekonèt viktwa prezidan an nan eleksyon prezidansyèl 28 Jiyè a." Pap Franswa bò kote pa li mande pou "cheche konn laverite" nan dosye sila.

TikTok Pral Retire Pwogram Rekonpans Pou Itilizatè li yo ann Ewòp

Komisyon Ewopeyen an anonse lendi 5 Dawout la ke platfòm rezo sosyal TikTok pran angajman pou l retire nèt ale nan Inyon Ewopeyen an fonksyon nouvo aplikasyon TikTok Lite li a ki rekonpanse itilizatè yo pou kantite tan yo pase devan ekran yo ap sèvi ak aplikasyon an.

Venezyela: Irigwe Rekonèt Viktwa Opozisyon an nan Eleksyon Prezidansyèl yo

Gouvènman Irigwe a rekonèt vandredi viktwa kandida opozisyon an nan Venezyela, Edmundo Gonzalez Urrutia, nan eleksyon prezidansyèl dimanch la kote konsèy Elektoral Nasyonal la pibliye rezilta ki bay Prezidan Nicolas Maduro kòm venkè.

Ajantin Rekonèt Gonzalez Urrutia kòm Prezidan Eli Venezyela (minis)

Gouvènman Ajanten an rekonèt opozan Edmundo Gonzalez Urrutia kòm prezidan eli Venezyela vandredi, dapre sa Minis Zafè Etranje Diana Mondino anonse sou rezo sosyal X.

Boukantay prizonye: Biden Remèsye Erdogan "pou Efò li"

Prezidan Ameriken Joe Biden remèsye tokay li nan peyi Tiki, Recep Tayyip Erdogan, Jedi, apre gwo boukantay prizonye ke Larisi ak plizyè peyi nan loksidan te fè nan Ankara, capital peyi Tiki.

Hezbollah deklare li Lanse Plizyè Douzèn Wokèt nan Nò Izrayèl

Hezbollah te anonse ke li te lanse plizyè douzèn wòkèt nan nò Izrayèl Jedi, an repons a yon atak ki te touye kat siryen nan sid Liban, premye atak gwoup Libanè a depi asasina youn nan lidè militè li yo madi aswè.

Venezyela: Lidè Ppozisyon an Bay mo Dòd pou Manifestasyon Samdi

Lidè opozisyon nan Venezyela Maria Corina Machado, ki te al kache akoz menas prizon kont li, lanse mo dòd Jedi pou gen yon manifestasyon samdi nan "tout vil yo" nan peyi a pou denonse magouy ki daprè li pèmèt reeleksyon Prezidan Nicolas Maduro.

Etazini te eseye negosye liberasyon opozan Ris Navalny ki Mouri nan Prizon

Etazini te travay pou Larisi te ka lage lidè opozisyon Alexeï Navalny anvan li te mouri nan prizon, se sa Mezon Blanch di Jedi nan kòmantè sou boukantay "istorik" 24 prizonye ak 2 minè ant Moskou ak peyi loksidan yo.

Putin Padone 13 Prizonye Anvan li Boukante yo ak Peyi Lwès yo

Prezidan Ris Vladimir Putin padone ofisyèlman 13 moun ki te jwenn kondanasyon nan Larisi e li lage yo jedi nan kad yon gwo boukantay prizonye ak peyi Lwès yo.

Brezil pral Pwoteje Anbasad Ajantin nan Venezyela

Prezidan Ajanten Javier Milei remèsye Brezil jedi deske li te pwoteje anbasad peyi Ajantin nan Venezyela, lè gouvènman Venezyela a te bay anbasadè a lòd pou pati kite peyi a apre Buenos Aires te poze kesyon sou reeleksyon Nicolas Maduro.

Katar kondane asasina lidè Hamas

Katar kondane Mèkredi "asasinay" lidè Hamas Ismaïl Haniyeh nan yon atak nan Teheran ke yo lage sou do Izrayèl, epi li poze tèt li kesyon pou konnen si Katar ka kontinye sèvi kòm medyatè pou jwenn yon ola nan lagè Gaza a ant Izrayèl ak mouvman islamis palestinyen an.

Venezyela: kantite sivil ki mouri pandan manifestasyon yo monte a 11 dapre (ONG)

11 sivil, pami yo 2 minè, mouri nan Venezyela nan manifestasyon kont re-eleksyon Nicolas Maduro, ke Konsèy Elektoral Nasyonal la pwoklame prezidan.

Venezyela: Maduro kwè ke lidè opozisyon an yo dwe "dèyè bawo"

Prezidan Venezyelyen, Nicolas Maduro, di Mèkredi ke lidè opozisyon an, Maria Corina Machado, ak kandida li a, Edmundo Gonzalez Urrutia, ta dwe "dèyè bawo" apre manifestasyon kote moun te pèdi lavi apre re-eleksyon li a ke opozisyon an konteste.

Venezyela: Maduro Mande Tribinal Siperyè a Pou Fè Odit Sou Eleksyon Prezidansyèl la

CARACAS, Venezyela (AP) — Prezidan Nicolás Maduro mande gwo tribinal Venezyela a pou l fè yon odit sou eleksyon prezidansyèl la apre lidè opozisyon yo te di se yo ki te genyen eleksyon an.