Vil Cotonou se te sant deba istorik ant ministè afè etranjè CARICOM ak ministè afè etranjè Benen an. Se nan kad reyinyon sa, ki te dewoule anba tèm "ranfòse lyen bilateral e pwomouvwa panafiken an karibeyen", peyi Ayiti ak peyi Benen siyen memorandum nan.
Se minis afè etranjè Ayiti a, Jean-Victor Harvel Jean-Baptiste ki pase paraf li sou memorandum sa pou yon dire 5 lane (renouvlab)
Gras ak patenarya sila ant Ayiti ak Benen, 2 peyi yo pral kowopere nan domèn sekirite, edikasyon, kilti, diplomasi ak rechèch syantifik.
Nan yon kominike li pibliye, ministè afè etranjè Ayiti salye nouvo akò sa, e fè konnen patenarya sila fèt ant 2 peyi ki gen menm enterè.
Yon lòt bò, otorite nan CARICOM ak Benen yo siyen yon akò pou retire viza pou resòtisan karibeyen ak Benen yo pou fasilite koneksyon ant 2 rejyon yo.