Alex Larsen, Georges Fils Brignol, Duckenson Lorthe Blema ak Patrick Pélissier se non 4 minis sante sa yo ki dirije ministè sante piplik ak popilasyon an pou ane 2024 la.
Alex Larsen ki te deja minis Sante piblik nan lane 2008 pou rive 2011, te tounen nan tèt ministè a nan mwa novanm 2021, nan gouvènman ansyen PM Ariel Henry a. Georges Flis Brignol ta pral ranplase l sou nouvo gouvènman PM Gary Conille lan, 13 jen 2024. Brignol te fè 5 mwa nan pòs la pou yon bilan fèb tankou fèy papye.
Duckenson Lorthe Blema, ki te bati yon pati nan ajannda travay li sou kominikasyon, pa t fè plis tan nonplis kòm minis Sante piblik ak popilasyon an. Li te pran pòs la 20 novanm 2024 avan erè l te ratrape l, yon mwa 4 jou aprè. Minis Blema te deside louvri lopital Jeneral ki twouve l nan yon zòn gang yo kontwole, 24 desanm 2024. Bilan katastwofik desizyon sila ki te lakoz lanmò 2 jounalis ak 1 polisye ta pral fè l pèdi djòb li.
Ofinal Patrick Pélissier, ki gen chapo minis Jistis ak sekirite a tou, te ranplase Duckenson Lorthe Blema pou fen 2024 la. L ap kenbe men annatandan yo nome yon lòt minis nan pòs la.
