Lopital rejyonal Taiwan ki twouve li nan Azua, nan lakou Sendomeng, resewa ayè dimanch lan 26 sitwayen ayisyen ki ta viktim anpwazonman.
Selon sa lopital la rapòte, tout 26 ayisyen yo, ladan yo 2 minè, montre siy entoksikasyon ak yon sibstans ki rele "organophosphorés".
Viktim yo ki te al pran swen nan lopital Taiwan nan te anvi vomi oubyen vomi, bouch yo te plen dlo ak lòt pwoblèm ankò ki ta endike yo pran nan pwazon..
Doktè Luis Edward Pérez ki te pale ak medya dominiken an Diario libre, eksplike li bay malad yo yon tretman ki gen "atropine" epi fè yon lavaj gastrik pou viktim yo.
Doktè Pérez deklare kondisyon sante Ayisyen yo estab pou kounya e yo ta sipoze reprann fòm kò yo nan 24è tan.
Otorite yo ouvri yon ankèt pou chache konnen rezon ak men ki kache dèyè anpwazonman sila