Seleksyon Foutbòl Ayiti a ki gen nan tèt li Sébastien Migné, bat ekip Foutbòl Aruba (3-1) e kenbe tèt klasman an nan gwoup la ak 9 pwen nan gwoup C a.
Poutan se ekip Aruba a ki te fè premye gòl la, nan kòmansman premye mitan an, avèk bitè yo a, Tyrone Ganty Perret (6e).
Apre gòl ekip Aruba a, seleksyon nasyonal Ayiti a, te enstale katye jeneral yo nan mwatye teren Aruba a.
Yo te lanse plizyè atak pou ranvèse sitiyason an e genyen match foutbòl la.
Dabò, Frantzdy Pierrot ta pral jwenn gòl egalizasyon an sou yon kout tèt nan (31e) pou remonte Ayiti nan match la.
Apresa, Duckens Nazon bay Ayiti avantaj la sou yon penalite (38e).
Nan 2e mitan an, atakan Kayserispor a fè yon 3e gòl pou Ayiti e pèmèt Grenadye yo pran kontwòl match la totalman.
Nazon fè yon dekabès, sa ki fè 6 gòl nan 3 match li jwe nan Lig nasyon Concacaf yo.
Se pi bon bitè Ayisyen nan konpetisyon an.
Viktwa sa pèmèt Ayiti konsève tèt klasman an ak 9 pwen sou 9 posib.
Grenadye yo ap retounen ankò sou teren pou yo jwe yon lòt match avèk menm ekip Aruba a.
Match sa ap jwe jodi lendi a, a 8è nan aswè.