Yon Jij federal nan eta Florid pral tande agiman Jedi apremidi sou si wi ou non li ta dwe nomen yon ekspè legal endepandan pou revize dosye gouvènman an sezi lakay ansyen Prezidan Donald Trump mwa pase a.
Avoka Trump yo di nominasyon yon mèt espesyal nesesè pou asire ke dokiman sa yo enspekte yon fason endepandan. Yo di revizyon an ta pèmèt pou yo remèt enfomasyon ki trè pèsonèl tankou jounal li pa egzanp epi remèt yo bay Trump.
Depatman Jistis la limenm di nominasyon an pa neseseè paske anketè yo finn revize tout dokiman yo epi idantifye yon gwoup dosye potansyèlman privileje ki gen enfomasyon ki pwoteje nan kad relasyon ant avoka ak kliyan.
