Depatman Jistis Etazini pare pou'l reponn demann avoka Trump yo fè pou nomen yon mèt espesyal pou revize dokiman FBI te sezi lakay ansyen prezidan an pi bonè mwa sa a.
Depatman jistis la gen pou'l bay repons li Jedi pandan yon odisyon Jij federal Aileen Cannon pase lod pou fè, kote li va tande agiman sou kestyon an.
Yon lot kote, ekip legal Trump la ajoute yon lot avoka. Chris Kise se yon ansyen solisitè jeneral eta Florid, e li rejwenn ekip avoka kap reprezante Trump kounyea.
Se 2 moun ki familye ak koze a ki bay Associated Press enfomasyon sa a sou non pou yo pa site non yo.
