Yon jij federal mande Depatman Jistis Etazini ba li enfòmasyon presi pa rapò ak dosye sekre yo rekipere lakay ansyen Prezidan Donald Trump.
Nan lòd li pase Samdi, Jij Aileen Cannon nan eta Florid se "entansyon preliminè" li pou'l nomen yon jeran espesyal pou jere dosye a.
D'abitid jeran espesyal la se yon ansyen jij.
Avoka Trump yo mande pou gen yon revizyon endepandan dosye yo te pran yo pou idantifye nempòt ki bagay ki ta pwoteje pa privilèj egzekitif la epi remèt ba li tout sa ke manda pou fouye kay la pa kouvri.
Cannon pwograme yon odisyon pou Jedi pou diskite sou kestyon an.
