Elon Musk fè yon parèt sipriz pandan miting elektoral AfD Almay la (Altènativ fuer Deutchland) nan vil Halle nan ès Almay Samdi. Musk te pale piblikman pou sipote pati ekstrèm dwat la pou dezyèm fwa nan 2 semèn.
Li te pran la pawol devan yon foul 4,500 moun ki te rasanble nan sal la ak lidè pati a Alice Weidel. Musk te pale an dirèk pa videyo konferans sou prezèvasyon kilti Almay epi pwoteksyon pèp Alman an.
"Se yon bon bagay pou w fyè kilti Alman an, prensip Alman epi pa pèdi sa nan yon espèz de milti-kiltiralism ki febli tout bagay," Msuk deklare.
Semèn pase a, milyadè Ameriken an te soulve gwo pale anpil lè li te fè yon jès moun te konpare ak sali Nazi a pandan li tap asiste fèt pou selebre envestiti Prezidan Etazini Donald Trump.
