Sekretè d Eta Ameriken Marco Rubio pral vizite Panama ak 4 lot peyi nan Amerik Santral la ak Karayib la pandan yon vizit kap komanse nan fen semèn pwochèn. Se va premye vwayaj li antanke diplomat pi wo plase Washington, dapre sa pot pawol Depatman d Eta a Tammy Bruce fè konnen Jedi.
Vwayaj le ke Bruce di ap enkli eskal nan Guatemala, Salvado, Repiblik Dominikèn ak Kosta Rika, vini nan moman Prezidan Donald Trump mete imigrasyon kom priyorite nan ajènda politik etranje li epi deplwaye jefo pou Etazini reprann kontwol Kanal Panama a, nan komantè ki vekse peyi Amerik Santral sa a.
Bruce di jounalis yo: "Gen yon rezon ki fè se premye vwayaj la. Sa montre kijan nou pran sa o serye, siyifikasyon an pa rapo ak pwogram li yo epi ki rapo sa genyen ak angajman li pran vizavi peyi Etazini. Li vle fè fas ak kesyon ki enpotan pou li e sètènman ki fè pati ajènda Trump la.
