WASHINGTON —
Pete Hegseth prete sèman kòm 29èm sekretè defans Etazini Samdi nan Washington. Se Vis Prezidan JD Vance ki prezide seremoni an mwenske 12 hè d tan apre yon vòt dramatik nan Sena a byen ta yè swa.
Vòt la te sere anpil (51-50) - ki se yon bagay ki ra nan sikonstans konsa. Li vini apre Demokrat e Repibliken te kestyone kalifikasyon Hegseth genyen pou dirije lame peyi a nan moman gen akizasyon kòm kwa li bwè anpil tafya e li aji yon fason agresiv ak medam yo.
Hegseth remèsye Trump pou sipò li e pwomèt ke antanke sekretè defans li pral konsantre sou " mete Etazini devan tout bagay" epi rebati lame Ameriken an.
