SWANNANOA, N.C. —
Prezidan Donald Trump di lap reflechi pou wè si l pata "debarase l" de Ajans Jestyon Ijans Federal la (FEMA).
Li fè komantè a Vandredi, pandan yon vizit nan 2 zòn dezas. Se dènye apèsi li bay Ameriken sou gwo chanjman li anvizaje fè nan òganizasyon santral peyi Etazini ki jere repons leta fas ak dezas.
Olye asistans finansye federal la pase atravè FEMA, prezidan Repibliken an di Washington pral voye lajan dirèkteman bay eta yo.
Trump te pale pandan yon vizit nan Kawolin di Nò, ki toujou ap redi pou jere dega ki fèt pandan siklòn Helene. Se premye vwayaj dezyèm manda li.
Trump gen pou l pran avyon tou pou l al Lòs Angeles pi ta nan jounen an pou fè konsta dega dife fè nan vil la.
