Selon yon rapò UNICEF, apeprè yon timoun sou 8 fè pati de fanmi k ap kouri kite lakay yo akoz vag vyolans yo an Ayiti.
Kantite timoun k ap kouri akoz atak gang yo nan peyi pa sispann ogmante. Dapre UNICEF gen plis pase yon demi milyon timoun ki fè pati de moun ki oblije met vwal nan do yo, kite katye yo akoz vyolans gang yo. Sa ki bay yon ogmantasyon de 48% de kantite minè ki deplase kite zòn kote yo te rete akoz ensekirite a.
"Se yon moman terib pou w yon timoun an Ayiti, kote vyolans ap deranje lavi epi fòse plis timoun ak fanmi yo kite kay yo". Deklarasyon direktè egzektif Unicef Catherine Russell.
N ap fè sonje, gen plis pase yon milyon moun ki kouri kite lakay yo akoz vyolans gang yo Ayiti. Anpil nan moun sa yo al viv nan kan, kote yo ekspoze ak tout kalite pwoblèm.
UNICEF pwofite pou voye yon apèl an ijans bay tout sektè pou mete fen ak vyolans yo ak vyolasyon dwa timoun yo
