Nan yon ti pale ak laprès, Feker Casséus fè konnen, "lapolis konsantre tout sa l genyen kòm fòs nan zòn Savyen", nan lide pou dechouke gang ki ap opere nan zòn sa a.
Selon pòt-pawòl lapolis Latibonit la, fòs lòd pran kontwòl yon lokalite ki rele Segi, sou anviwon 1 kilomèt edmi distans ak zòn Savyen.
Nan lokalite Segi, lapolis rive mete anba kòd chèf gang Edris Altidor, alyas Ti Rat, e libere plizyè moun bandi yo te kidnape.
Ferker Casséus deklare : "operasyon yo pa kanpe. Operasyon yo ap kontinye. Gen twoup ki sou plas, k ap fè patwouy. E n ap antre nan baz Savyen an lè w pa panse."
N ap fè sonje, gang Savyen an, ki gen nan tèt li Luckson Élan, se responsab masak Ponsonde a, kote plis pase 100 moun te pèdi lavi yo.