Prezidan-eli Donald Trump nomen Matt Whitaker, yon ansyen minis jistis a.i. anba premye administrasyon li, kom anbasade Etazini nan LOTAN. Trump kritike alyans Oksidantal la poutet li pa depanse ase lajan sou defans.
Nan yon deklarasyon li pibliye, Trump dekri Whitaker, 55 an, kòm yon "konbatan vanyan ak yon patriyòt lwayal" ki pral "pwomouvwa epi defann entere Etazini" ak ranfòse relasyon ak alye LOTAN yo nan moman yo kanpe djanm fas ak menas pou lape ak stabilite."
Menm jan ak plizye chwa Trump pou pòs nan nouvo administrasyon li, nominasyon Whitaker kòm anbasade nan Oganizasyon Trete Atlantik Nò a, ki gen 32 peyi manm e ki baze nan vil Bruksel, dwòl nan sans ke dosye pwofesyonel li pa konfòm ak pòs li pral ranpli a. Whitaker se yon avoka ki gen yon karye long men li pa gen konesans nan domen politik etranje ak milite.
