Prezidan-eli Etazini Donald Trump pran la pawòl bonè Mèkredi nan yon fèt elektoral nan West Palm Beach, Florid ak fanmi l, zanmi, responsab wo plase ak patizan politik ozalantou li. Apre li te remèsye elektè yo, Repibliken an di viktwa li se gras ak yon mouvman moun poko janm wè anvan e ke li lè pou pase a l aksyon pou "geri" peyi a.
"Mesi anpil. Sa se yon mouvman okenn moun poko janm wè. E franchman sete, mwen kwè pi gwo mouvman politik epok nap viv la. Poko janm gen anyen konsa nan peyi sa a e menm nan mond lan. E kounyea li lè pou nou atenn yon nouvo nivo enpòtans paske nou pral ede peyi nou geri. Nou gen yon peyi ki bezwen èd, gen gwo bezwen pou sa. Nou pral ranje fwontyè nou. Nou pral ranye tout bagay nan peyi nou.
Epi chak sitwayen. Map goumen pouwou, pou fanmi w ak pou avni w. Chak jou mwen pral goumen pouwou ak tout fòs mwen. Men pap repoze jiskaske nou atenn yon peyi ki gen fòs, sekirite ak pwosperite ke pitit nou merite e ke ou merite. Se pral vreman vre Laj Lò Etazini.
Lèzetazini banou yon manda puisan moun poko janm wè anvan. Nou reprann kontwòl Sena a. Wow se yon bèl bagay.
Defi ki devan nou pap fasil pou leve men map pote tout enèji mwen, kouraj epi goumen pou reyisi nan travay nou konfyem. Se yon bèl djòb. Pa gen okenn djòb konsa. Se djòb ki pi enpòtan nan mond lan.
Mwen pral gouvène ak yon objektif senp: 'pwomès se dèt'. Nou pral kenbe pwomès nou. Ansyen pap anpeche m kenbe pwomès mwen fè noumenm pèp la. Nou pral fè Etazini tounen yon peyi ki gen sekirite, puisans ak pwosperite yon lòt fwa ankò. E map mande tout sitwayen toupatou nan peyi nou pou rejwenn mwen nan travay nòb e jis sa a. Se sal ye. Li lè pou mete divizyon 4 ane ki pase yo dèyè nou. Li lè pou n inifye nou. E nou pral eseye. Nou pral eseye. Fòk nou eseye. E nou pral fèl. Siksè pral rasanble nou. Mwen wèl deja. Mwen wèl.
Nou pral oblije fèmen fwontyè nou. E nou pral oblije kite moun antre nan peyi nou. Nou vle pou moun tounen men fòk yo tounen legalman.
Nou vle gen fwontyè. Nou vle gen sekirite. Nou vle pou bagay yon bon, pou gen sekirite. Nou vle bon jan edikasyon. Nou vle yon lame puisan. E nou espere nou pap oblije sèvi avèl. Ou konnen nou pat gen okenn lagè pandan 4 an. Nou pat gen lagè.
Nou pral redui dèt nou, nou pral redui enpo yo. Fòk nou fè bagay ke okenn lòt moun paka fè. Lachin pa gen sa nou genyen. Pèson pa gen sa nou genyen. Men nou gen pi bon moun yo tou. Petèt se sak pi enpòtan. "
