Ozetazini, se eta yo ki òganize eleksyon nasyonal yo. Genyen 50 sistèm diferan otorite yo itilize sou kijan eleksyon yo dwe dewoule ak fason pou elektè yo enskri pou vote e kijan e ki lè pou ale nan biwo vòt yo.
Nan sware elektoral la, chak eta konte bilten vòt pa yo epi anonse rezilta yo.
Sistèm elektoral la desantralize - sa a vin rann li pi difisil pou gen koken oswa magouy nan pwosesis la kote se yon sèl enstitisyon k ap sipèvize tout rezilta yo. Men, sistèm sa a konn lakoz tou reta nan pwoklamasyon rezilta yo.
Pa egzanp, nan lane 2000 li te pran plis pase yon mwa pou yo te deside kiyès ki genyen eleksyon prezidansyèl yo nan eta Florid akoz yo tap mache rekonte bilten vòt yo nan eta a, e yo te vin sispann rekontaj la apre Kou Siprèm nan te pase lòd pou te kanpe pwosesis la.
Nan lane 2020, yo te deside kiyès ki ranpòte eleksyon prezidansyèl Etazini an apre plis pase twa jou akòz reta ki te genyen nan kontaj vòt yo nan plizyè eta, tankou Pennsylvani, Michigan, Wisconsin ak Jòji.
Pa gen konsèy elektoral ki pou deklare rezilta ofisyèl yo. Se medya yo ki anonse ganyan ak pèdan yo, e chak rezo fè pwojeksyon pa yo nan tan pa yo.
Kèk eta pèmèt nenpòt kimoun vote pou chwazi kandida pati yo, sa vle di moun ki soti nan yon pati kapab chanje pou ale nan yon lòt pati pou l ka deziye yon kandida li panse ki ap pi fasil pou ranpòte laviktwa nan eleksyon jeneral –yo
Eta yo fè pwòp bilten vòt pa yo e yo deside ki kandida ki ta dwe sou yo.
Paske pa gen yon sèl kalte bilten vòt federal pou tout peyi a, elektè ki ap vote nan menm eleksyon Ozetazini gen opòtinite pou vote pou dives kandida selon kiyès ki te kalifye pou poze kandidati nan eta pa yo.
