Ansyen Prezidan Etazini Donald Trump ranpòte la viktwa sou Vis Prezidan Kamala Harris pou yon nouvo manda 4-an kom lide peyi a.
Apre yon kanpay sere-sere, Trump ranpote owmens 277 sou 538 vwa elektoral ki disponib nan eleksyon Madi a, sa ki ba li majorite nesese pou l tounen premye lide Ameriken ki ranpote 2 manda ki pa konsekitif depi ane 1890 yo.
Harris, kandida Demokrat la, ki te rejwenn kous la apre Prezidan Joe Biden te deside bay vag nan mwad Jiye a, tap eseye tounen premye fanm ki janm eli prezidan.
Trump deklare la viktwa bone Mekredi epi remesye patizan li yo pandan yon miting politik nan eta Florid.
Trump deklare: "Sete yon mouvman moun poko janm we anvan, e franchman sete - mwen kwe, pi gwo mouvman politik epok nap viv la."
Trump di tou li pral travay pou reyalize yon "Etazini ki puisan, pwospe e kote ki gen sekirite."
Yon responsab kanpay Harris la di yon foul patizan nan Washington li patap pwononse yon diskou Madi swa, men pito Mekredi.
Nan sistem Ameriken an, kote eleksyon an deside eta pa eta, ni Harris ni Trump te ranpote la viktwa alez nan eta kote pati yo gen majorite sipo a. Pandansetan, peyi a te konsantre sou apepre 7 eta chan d batay ke yo te atann tap deside kiyes kap genyen eleksyon an.
Nan fen an, se viktwa Trump te ranpote nan Pensilvani, Joji, Kawolin di No ak Wisconsin ki ba li avantaj la.
Sikse Repibliken yo nan eleksyon Madi a afekte Kongre a tou kote pati Repibliken an ranpote majorite syej yo nan Sena a. Yo kontwole omwens 51 sou yon total 100 syej kounyea.
Kongwol Chanm Depite a, ke Repibliken yo kontwole aktyelman, poko finn deside.
