Mèt Espesyal Jack Smith mande yon kou federal d apèl Lendi pou l reprann dosye dokiman klafisye ansyen Prezidan Donald Trump te genyen lakay li, apre yon jij te voye dosye a jete mwa pase a.
Jij Aileen Cannon te voye dosye a - ki se youn pami 4 lajistis genyen kont Trump - apre li te tire konklizyon ke nominasyon Smith kom mèt espesyal pat konstitisyonèl.
Ekip Smith la te ale ann apèl devan Kou D Apèl Atlanta a apre sa pou konteste desizyon an.
Apèl la se dènye nan yon seri mezi legal nan yon dosye anpil ekspè legal konsidere kom dosye kriminèl senp. Sepandan pwosè a vinn deraye akoz divès delè ak odisyon anvan Cannon, ki se yon jij Trump te nomen te voye dosye a jete epi kanpe pwovizwaman - dumwens - pwosè a.
