WASHINGTON —
Prezidan Joe Biden louvri konferans pou laprès li a ke anpil moun te gen je brake sou li - ak yon defans fèm politik etranje ak nasyonal li yo epi voye jete kestyon sou kapasite li pou l jere prezidans la pou yon lòt 4 an. Sepandan misye te bafouye nan referans li ak Donald Trump nan youn nan premye repons li te bay yo.
Biden deklare: "Mwen pa nan kous la pou eritaj mwen. Mwen vle fini sa m te kòmanse."
Li ensiste pou di sipò li pami elektora a pi djanm pase sa moun kwè e ke li pral rete nan kous la epi genyen eleksyon an.
Prezidan an ap fè fas ak yon pakèt apèl bò kote palmantè, vedèt ak lòt Demokrat ki gen enfliyans, pou l lage pye l nan kous prezidansyèl 2024 la.
