Prezidan Joe Biden pwononse yon diskou kote li defye kritik li yo Jedi swa nan kad tradisyon politik anyel kote chèf deta a bay kont randi Eta Nasyon an - State of the Union.
Biden pwononse diskou a nan moman kote ex-Prezidan Repibliken Donald Trump ap eseye reprann fotèy boure a. Biden kritike Trump 13 fwa san li pa site non li. Li akize Trump dèske li pwomouvwa "resantiman, revanj ak repons kif kif sa ki poze gwo risk pou libète Ameriken kap viv Ozetazini ak nan peyi etranje.
"Antanke prezidan predesesè mwen pat resi ranpli devwa de baz tout prezidan dwe pèp Ameriken an ki se dwa pou li gen kè sote pou byenèt yo."
Pandan diskou a, ki te dire 68 minit, e ki te dewoule nan Lachanm de Reprezantan, Biden, ki se yon demokrat te kritike Repibliken yo pou politik yo sou kestyon tankou imigrasyon.
" Mwen pap denigre imigran yo ni di ke yap anpwazone peyi nou. Mwen pap separe fanmi. Mwen pap entèdi moun antre lakay nou akoz relijyon yo. Mwen pa tankou nèg ki te vinn anvan m. Premye jou mwen sou pouvwa a mwen te entwodui yon pwojè lwa konpreyansiv pou ranje sistèm imigrasyon nou. Gade byen. Gen anpil bagay mwen fè. Sekirize fwontye a, dispoze yon pwosesis pou jèn jan san papye nou rele revè yo vinn sitwayen Ameriken - e gen anpil lot bagay anko."
Biden kritike Republiken yo tou sou kestyon enpo, dwa pou medam yo fè avotman ak lot kestyon anko.
