Yon tribinal Ameriken kondane yon rezidan eta Florid pou l pase 5 an nan prizon poutèt li te patisipe nan yon "konplo sofistike" pou trafike zam ak minisyon ke li te voye bay gang puisan Ayisyen 400 Mawozo.
Se Anbasad Etazini nan peyi d Ayiti ki anonse nouvèl la.
Jocelyn Dor, 31 an, te plede koupab nan mwad Oktòb 2023 dèske li te fè blanchiman lajan epi vyole lwa ekspòtasyon peyi Etazini.
Anbasad la di Dor te ekspòte oubyen eseye ekspòte 24 zam a fe, ak plizye santèn minisyon an Ayiti, ke zak vyolans ap ravaje.
