Foutbolè Ajanten Lionel Messi, ansyèn premyè dam Hillary Clinton ak sipè vedèt baskètbol Magic Johnson se kèk pami gwo pèsonaj ki resevwa meday prezidansyèl libète nan yon seremoni ki te dewoule nan Mezonblanch.
Atis ayisyen an Kenny Haiti jwenn nominasyon l nan Trace Awards 2025. Chantè a ki nomine nan kategori « Best artist diaspora in the Caribbean » bezwen vòt pou li ka ranpòte kategori sila a ki gen yon atis ladan tankou Shenseea.
Senkyèm edisyon "Konbit Soup Joumou", yon evènman ki onore libète ak batay zansèt Ayisyen yo selebre ane sa nan Palè Sans Souci nan Milot.
Nan okazyon fèt endepandans peyi Dayiti ki selebre chak premye janvye, plizyè restoran nan Brooklyn distribye soup Joumou gratis. Objektif yo se kenbe tradisyon pataj ak lespri viv ansanm Ayisyen yo vivan.
Anpil otorite nan Florid te rankontre Miramar nan eta Florid pou selebrasyon fèt endepandans Ayiti a.
Soup joumou premye janvye se youn nan tradisyon ayisyen pa renmen rate kèlke swa kote yo ye nan mond lan, pou sa Carolina Haitian women society te kase randevou ak ayisyen ki ap viv nan Kawolin di nò pou kole tèt ansanm pou make dat sa a.
Malgre jan sitiyasyon peyi a ye, gen kèk gwoup moun ki vle kenbe lide viv ansanm nan,yon fason pou montre se nan linite fòs nou ye .Soup Libète ak Konbit Soup Joumou te òganize te twouve l nesesè pou te kontinye ak mouvman sa yo.
Malgre yo kite Ayiti depi lontan, plizyè fanmi Ayisyèn toujou kenbe tradisyon soup joumou an. Nan okazyon fèt endepandans peyi a, ayè 1e janvye, kolaboratè nou Luckson Saint-Vil te al lakay yon fanmi nan Florida… lap prezante nou yon repòtaj.-
Fan Richard Jean-Hérard (Richie) yo te pran inisyativ fè estati l sou plas Vincent nan Okap. Estati sa a ki te jwenn apwobasyon lameri vil la te inogire nan jou ki te samdi 28 desanm 2024 la pandan toune djaz mayestwo a, Klass, nan dezyèm vil peyi a.
Enfòmasyon ki rapòte nan jounal Le Nouvelliste nan jou 30 desanm 2024 la, fè konnen lameri Gonayiv pa fè okenn anons ofisyèl sou preparatif pou make jounen selebrasyon 221 e ane endepandans la nan vil la, 1e janvye 2025.
Roody Roodboy di sitiyasyon peyi a enkyetan, li te pale konsa pandan konsè li Kanada
Tradisyon lavèy premye janvye varye de yon peyi ak yon lòt, Pafwa nan menm peyi a li konn diferan pou chak zòn.
Load more
