Atik sa drese yon pòtrè tris sou Site lendepandans lan k ap kwoupi anba fatra. Sitiyasyon sa a lakoz gwo pwoblèm sikilasyon nan vil la ak pwovoke aksidan. Katriyèm vil peyi Dayiti a plonje tou nan yon blakawout san fen depi kèk ane, san konte lòt pwoblèm sosyoekonomik k ap brase bil popilasyon an.
N ap raple, ane pase selebrasyon fèt endepandans lan pa t fèt nan Gonayiv. Premye Minis Ariel Henry, ki te sou pouvwa a nan moman an, te make dat la nan musée du Panthéon national (MUPANAH).
1e janvye 2023 pa t gen okenn selebrasyon fèt endepandans lan nonplis nan Gonayiv jan sa te konn fèt avan.
Okontrè pòt katedral la te rete fèmen epi okenn nan otorite yo pa t mete pye nan vil la pou make 219e ane endepandans peyi a.
