Yon momam istorik nan istwa 2 peyi yo ki chita ansanm nan Riohacha (Kolonbi) pou konsèy binasyonal sila plizyè minis 2 peyi yo te asiste.
Nan yon kominike pou laprès, minis afè etranjè Kolonbi a, Luis Gilberto Murillo, kalifye reyinyon ant 2 peyi yo yon "evenman istorik", yon "reyinyon binasyonal byen laj ki pat janm konn fèt avan".
Se menm pawòl yo kot dirijan Ayisyen yo ki bat bravo lakontman pou reyinyon istorik sa.
Jean-Víctor Harvel Jean-Baptiste, ki se minis afè etranjè Ayiti, salye angajman 2 peyi yo pou travay ansanm sou plizyè pwen nan konsèy minis binasyonal la.
Nan okazyon sila, chèf 2 nasyon yo abòde plizyè sijè, tankou sekririte, edikasyon ak migrasyon.
Pou dosye migrasyon an, dirijan 2 peyi yo mete yo dakò pou akselere pwosesis pou pèmèt ak moun ki gen paspò diplomatik ak ofisyèl pou antre nan peyi Kolonbi san viza.
Yon lòt bò prezidan Kolonbyen an Gustavo Petro fè sonje Kolonbi endepandan grasa Ayiti.
Gustavo Petro deklare sou Twitter. "Kolonbi se Karayib e endepandans nou soti nan Ayiti. Lè a rive pou n di mèsi e aji pou estabilizasyon demokratik."
N ap souliye, otorite an Ayiti yo pwofite de reyinyon binasyonal sa pou lanse yon envitasyon ofisyèl bay prezidan Gustavo Petro pou l vizite Ayiti, nan lide pou ranfòse relasyon ant 2 peyi yo
