Nan yon entèvyou Joël Edouard Vorbe, yon gwo tèt nan pati a, t ap bay radio Magik9 (100.9), li fè konnen tranzisyon an menase ak frajilize.
Mesye Vorbe mete chay la patikilyèman sou do 3 konseye prezidansyèl yo ki prezime koronpi ke ULCC mande lajitis pousuiv yo, Smith Augustin ; Louis Gérald Gilles ak Emmanuel Vertilaire, non 3 mesye sa yo site nan eskandal koripsyon epi ki pa vle retire kò yo nan tèt konsèy la malgre sa.
Joël Edouard Vorbe te kritike tou tout rès manm KPT a ki kontinye rete soude ak 3 manm sa yo ki gen akizasyon koripsyon k ap peze sou do yo. Li di lòt manm KPT yo ki pa sispann montre soutyen yo ak 3 konseye sa yo patisipe tou nan avili konsèy la ak frajilize fonksyonman li.
Deklarasyon Joël Edouard Vorbe la vini nan mwens pase yon semèn aprè Fammi Lavalas te pibliye yon nòt (jedi 12 desanm 2024) pou l te kritike, ouvètman, Konsèy Prezidansyèl Tranzisyon (KPT) la ak nouvo gouvènman anplas la. Leslie Voltaire, aktyèl prezidan KPT a, se reprezantan Fanmi Lavalas nan konsèy sila a.
