Otorite zile Turk & Caicos anonse, ayè dimanch la, yo arete prèske 150 migran ayisyen san papye ki t ap tante antre sou teritwa yo, e y ap prepare pou voye gwoup Ayisyen sa yo tounen nan peyi yo.
Selon sant operasyon maritim peyi Turk & Caicos, yo rive entèsepte migran ayisyen yo pandan 2 operasyon.
Yo entèsepte yon premye ti anbakasyon ki te gen 27 migran ladan l (21 gason, 6 fanm ak 2 timoun).
Yon ti tan apre, yo entèsepte yon lòt bato ki te gen 122 moun sou li ( 104 gason, 17 fanm ak yon timoun).
Sant operasyon maritim peyi Turk & Caicos transfere migran ayisyen yo bay Ajan k ap fè patwouy sou fwontyè yo pou trete dosye yo