Sa se deklarasyon Selma Garcia, ki se pòt vwa konpayi Ayeryen Jetblue.
Konpayi ayeryen Jetblue ki te konn konekte Ayiti ak Florida e New York, poko ap reprann aktivite l yo an Ayiti akoz latwoublay ki gen nan peyi a.
Jetblue pran desizyon pwolonje sispansyon vòl li yo sou peyi jiska 30 avril 2025. Sa vle di, Konpayi ameriken an pa p vole sou peyi a pandan anviwon 4 mwa !
"N ap kontinye evalye sitiyasyon an e si posib n ap fè modifikasyon nan plan nou". Deklarasyon Selma Garcia bay jounal Miami Herald.
N ap raple, Americain Airlines, bò kote pa l, kanpe tout aktivite l sou Ayiti jiska fen ane 2025 lan.
Desisyon pou avyon pa vole sou Ayiti apre bandi de vide katouch sou yon avyon konpayi Spirit ki t ap tante ateri nan Ayopò Toussaint Louverture a nan dat 12 novanm 2024 la.
Pou kounya se sèl konpayi Sunrinse ki ap opere an Ayiti. Toutfwa, avyon Sunrise yo pa vole sou Pòtoprens. Sunrise konekte vil Okap ak lòt peyi.