Vag vyolans yo nan peyi a pa epaye timoun yo. Plis pase 22 mil timoun kouri kite lakay yo akoz vag vyolans yo nan peyi a.
Dapre yon rapò UNICEF pataje sou rezo yo, ajans k ap defann dwa timoum nan fè konnen, vyolans gwoup gang yo fòse plis pase 22 mil timoun kouri kite lakay yo !
Yon sitiyason enkyetan pou avni timoun sa yo, ke anpil ladan yo al viv nan kan oubyen sit pou deplase.
Konsènan kan yo, UNICEF deklare fanm, timoun ak tifi riske pou yo eksplwate yo e fè vyolans seksyèl oubyen kadejak sou yo.
Anplis de sa, gen timoun ki deplase yo ki mal manje e ki fè malnitrisyon.
UNICEF fè konnen li bay swen ak 5000 mil timoun ki fè malnitrisyon. Anviwon 1000 ladan yo fè yon malnitrisyon sevè.
N ap fè sonje, atak bandi nan Pòsmachan te fòse anviwon 11 mil moun ki kouri kite lakay yo weekend ki sot pase la, ladan yo anpil timoun.