Sesyon an ki te dwe dewoule nan lakou dapèl Pako a pa rive fèt akoz Majistra Denise Papillon te deside retire tèt li pou rezon pèsonèl.
Anplis de sa, 17 kolonbyen yo, ki pa pale kreyòl pat gen okenn entèprèt ki pou tradui pou yo. Sa ki pouse responsab yo voye pou yon lòt dat odyans lan.
Thermitus Joseph
Mèt Thermitus Joseph k ap defann Kolonbyen yo mande pou gen yon pwosè ekitap ki respekte dwa entènasyonal yo.
Avoka Natalie bò kote pa l pat met dlo nan bouch li pou l kritike ministè Lajistis ki pat mete okenn entèprèt pou kliyan l yo.
N ap souliye, Odyans sa te konène tou Ayisyen Felix Badio, ki ta gen men m tranpe nan asasinay prezidan Jovenel Moise la.
Jonas Merzilus
Avoka Felix Badio a, pwofite de okazyon sa pou kritike kondisyon detansyon kliyan l lan ki soufri de Dyabèt ak lòt maladi.
N ap fè sonje, Jovenel Moise, 58èm prezidan mouri krabinen ak bal nan dat ki te 7 jiyè 2021 an. 17 kolonbyen yo, Felix Badio se kèk non ki site nan zak asasinay sila.
SEE ALSO: Avoka Martine Moise la Rejte Odonans Jij Walther Wesser Voltaire la, Plenyen pou di Se Politik ki Motive Aksyon an