Moun k ap viv nan Pòtoprens pa ka rale yon souf ak bandi san fwa ni lwa ki pa sispann simen latwoublay ak kraze brize nan kapital la.
Neg Ak Zam Atake Delma 19
Atak sa kont Dèlma 19 kite 2 bwa balan abitan ak pwopriyetè nan zòn nan. Youn ladan yo rakonte nwit terib sa.
Selon pwoprietè a ki gen plizyè machin ki boule, "pa gen leta nan peyi a. Si te gen yon leta, sa k rive nan Dèlma 19 la pa tap rive."
Poze l kesyon pou mande l èske l ap kite zòn nan menm jan ak anpil lòt abitan fè sa pou y al refijye yo nan lòt katye, pèsonaj la fè konnen, li pa gen okenn lòt kote pou l ale.
N ap fè sonje, gwoup gang pran kontwòl plizyè katye nan Pòtoprens. Pou piti, 80% kapital la anba kontwòl gwoup gang yo, selon yon rapò Nasyonzini
Atak gwoup nèg ak zam nan peyi a yo fòse plis pase 700,000 moun kouri kite lakay yo pou ane 2024 la.