Potpawòl Lamezonblanch, Karine Jean Pierre deklare Etazini "orifye" e kondane ak tout fòs li, masak ki lakoz 200 moun pèdi lavi yo anba bal gang nan peyi d Ayiti.
Jean Pierre di: "Nou kondane ak tout fòs nou zak kriminel san fwa ni lwa sa a. E nou lanse apel bay tout kominote entenasyonal la pou l kanpe bò kote pep Ayisyen an san pedi tan epi ede fòs sipò sekirite miltinasyonal (MMSS) Kenya ap dirije a. Se yon bagay enkwayab e tris. Se yon ore. Yo masakre moun sa yo pou granmesi e ankò yon fwa se gang egoyis yo ki responsab. Li degoutan pou tande sa."
Se ti granmoun pou pi fò ki te viktim atak gang ki te dewoule nan Waf Jeremie nan zòn Site Solèy pandan wikèn nan. Dapre nouvèl yo chèf gang zon nan te sispèk pitit li te tonbe malad akoz wanga granmoun yo te fè sou li.
Gouvènman Ayisyen an ki ap fè fas ak zizani entèn, pa rive anpeche gang ame yo vale plis teren andedan ak ozalantou kapital la.
