Vag vyolans yo nan peyi a fòse meri Petyonvil mande pawas Notre-Dame immaculé Conception pou pa òganize okenn mouvman relijye ki rasanble foul moun.
Nan yon lèt li voye bay pawas la, prezidan komisyon minisipalite a, Kesner Normil eksplike meri a nan "obligasyon pou pran mezi pou sekirize sitwayen".
Minisipalite a rekonèt se yon desisyon ki difisil, men ki nesesè pou "pwoteje lavi fas ak menas aktyèl yo".
N ap raple 8 desanm k ap vini la se fèt immaculé Conception. E souvan gen gwo selebrasyon ki akonpaye fèt relijye sa.
Selebrasyon yo sanble p ap fèt akoz pwoblèm ensekirite a ak menas gwoup nèg ak zam yo ki gen zye yo sou komin nan.
N ap fè sonje, plizyè manm gang te tande anvayi semèn pase a komin Petyonvil. Men lapolis ansanm ak popilasyon an te rive fè echèk ak misyon yo a.
Pou piti 28 ladan yo te mouri. Genyen ki te pran bwa kale